Söngleikurinn Kabarett er ódauðleg klassík sem fjallar á djarfan og ögrandi hátt um samfélag á heljarþröm.

Þjóðleikhúskjallarinn umbreytist í hinn magnaða Kit Kat klúbb
Verkið býður okkur í ferðalag tæplega 100 ár aftur í tímann inn á stórfjörugan og afar kynlegan skemmtistað í Berlín. Í næturhúminu blómstrar ástin, frelsið og listin en samtímis eykst ógn nasismans fyrir utan veggi klúbbsins dag frá degi. Sýningin fæst á ærslafullan hátt við lævíst eðli illskunar og viðbrögð okkar við henni.

Við hlökkum til að taka móti þér á skemmtilegasta klúbbi í heimi!